வி த லீ உறுப்பினருமான V.முரளிதரன் அவர்கள் தலைமையில் தீவிர போதை ஒழிப்பு விழிப்புணர்வு துண்டுப்பிரசுர இயக்கம்!

"மாறுவோம் மாற்றுவோம்" - கிள்ளியூரில் வி த லீ சார்பில் தீவிர போதை ஒழிப்பு விழிப்புணர்வு துண்டுப்பிரசுர இயக்கம்!

புதுக்கடை (கன்யாகுமரி):

"சாமானிய மக்களின் ஒற்றுமையோடும் தலைமைத்துவ பண்போடும் ஆரோக்கியமான சமுதாயத்தை உருவாக்குவோம்" என்ற முழக்கத்துடன், போதையற்ற தமிழகத்தை உருவாக்கும் நோக்கில் கன்னியாகுமரி மாவட்டம் கிள்ளியூர் சட்டமன்றத் தொகுதிக்குட்பட்ட புதுக்கடையில் இன்று (16-07-2026, வியாழக்கிழமை) தீவிர போதை ஒழிப்பு விழிப்புணர்வு இயக்கம் நடைபெற்றது. 'WE THE LEADERS' அமைப்பின் முக்கியப் பொறுப்பாளரும் வி த லீ உறுப்பினருமான V.முரளிதரன் அவர்கள் தலைமையில் நடைபெற்ற இந்நிகழ்வில், புதுக்கடை பழைய தியேட்டர் பகுதியில் கூடி இருந்த பொதுமக்கள், இளைஞர்கள் மற்றும் வாகன ஓட்டிகளுக்குப் போதையின் தீமைகளை விளக்கும் விழிப்புணர்வு துண்டுப்பிரசுரங்கள் விநியோகிக்கப்பட்டன.

சீரழியும் உடல்நலமும் பெருகும் சமூகக் குற்றங்களும்:

மக்களிடம் விநியோகிக்கப்பட்ட துண்டுப்பிரசுரத்தில், போதையினால் ஏற்படும் பேராபத்துகள் மிக விரிவாக விவரிக்கப்பட்டிருந்தன. "ஒரு கோப்பை மது... ஒரு நொடி போதை... அழித்துவிடும் உங்கள் வாழ்வை... அழ வைக்கும் உங்கள் குடும்பத்தை!" என்ற எச்சரிக்கையோடு, போதைப் பழக்கம் கல்லீரல் சுருக்கம் (Cirrhosis), புற்றுநோய் மற்றும் கடுமையான மன அழுத்தத்தை உருவாக்குவதுடன் தற்கொலை எண்ணங்களுக்கும் வழிவகுக்கிறது என்று சுட்டிக்காட்டப்பட்டது. மேலும், போதையினால் மூளையின் கட்டுப்பாடு இழக்கப்படுவதே பெண்களுக்கு எதிரான பாலியல் வன்கொடுமைகள், குடும்ப வன்முறைகள், தினசரி சாலை விபத்துகள் மற்றும் சட்டம்-ஒழுங்கு சீர்குலைவு போன்ற சமூக அவலங்கள் பெருகுவதற்கு முதன்மைக் காரணம் என்றும் அதில் எச்சரிக்கப்பட்டுள்ளது.

அரசின் கடமைகளும் மாற்றத்திற்கான ஐந்து உறுதிமொழிகளும்:

போதையிலிருந்து விடுபடச் சுயக்கட்டுப்பாடு, யோகா போன்ற மாற்றுப் பழக்கங்கள் மற்றும் மறுவாழ்வு மையங்களின் (De-addiction Centers) உதவி இன்றியமையாதது எனத் தெரிவித்த விழிப்புணர்வு குழுவினர், இதற்கான கடமைகளையும் வரையறுத்துக் கூறினர். போதைப்பொருள் கடத்தலை அரசு இரும்புக்கரம் கொண்டு ஒடுக்க வேண்டும்; பள்ளி, கல்லூரி அருகே விற்பனையைத் தடுக்க வேண்டும் என வலியுறுத்தப்பட்டதோடு, பொதுமக்கள் அனைவரும் பின்வரும் ஐந்து முக்கிய உறுதிமொழிகளை ஏற்குமாறு கேட்டுக்கொள்ளப்பட்டனர்:

• என் வாழ்நாளில் ஒருபோதும் எவ்விதமான போதைப் பொருட்களையும் எச்சூழ்நிலையிலும் பயன்படுத்த மாட்டேன்.

• என் குடும்பத்தையும் சுற்றுப்புறத்தையும் போதையின் பிடியில் இருந்து பாதுகாப்பேன்.

• சாமானிய மக்களின் ஒற்றுமையோடும் தலைமைத்துவ பண்போடும் ஆரோக்கியமான சமுதாயத்தை உருவாக்கப் பாடுபடுவேன்.

• போதைக்கு எதிரான வலிமையான விழிப்புணர்வை மக்களிடம் கொண்டு சேர்க்கப் போராடுவேன்.

• போதையில்லாத தமிழகம் என்கின்ற இலக்கை நோக்கி அர்ப்பணிப்புடன் செயல்படுவேன்.

"மாற்றம் நம்மிடமிருந்து துவங்கட்டும்; போதையில்லா தமிழகம் பிறக்கட்டும்!" என்ற முழக்கத்துடன் நடைபெற்ற இந்த விழிப்புணர்வு பிரசார இயக்கத்தில், 'WE THE LEADERS' அமைப்பின் கிள்ளியூர் தொகுதி நிர்வாகிகள், வி த லீ தொண்டர்கள் மற்றும் பொதுமக்கள் பலரும் திரளாகக் கலந்துகொண்டு ஆதரவு வழங்கினர்.