தங்கம் விலை பவுனுக்கு மேலும் ரூ.1,200 உயர்வு: சென்னையில் ஒரு பவுன் ரூ.1,09,600 ஆக அதிகரிப்பு
சென்னையில் ஆபரணத் தங்கத்தின் விலை இன்று (ஜூலை 3) பவுனுக்கு ரூ.1,200 உயர்ந்து, ஒரு பவுன் ரூ.1,09,600 ஆக அதிகரித்துள்ளது. கடந்த நான்கு நாட்களில் மட்டும் தங்கம் விலை பவுனுக்கு ரூ.4,000 வரை உயர்ந்துள்ள நிலையில், இன்று வெள்ளி விலையும் கிலோவுக்கு ரூ.5,000 வரை அதிகரித்துள்ளது பொதுமக்களிடையே அதிர்ச்சியை ஏற்படுத்தியுள்ளது.
சர்வதேசப் பொருளாதாரச் சூழல், அமெரிக்க டாலருக்கு நிகரான இந்திய ரூபாயின் மதிப்பு மற்றும் உலகப் பங்குச்சந்தை நிலவரங்களின் அடிப்படையில் இந்த விலை மாற்றம் ஏற்பட்டுள்ளது. மத்திய அரசு கடந்த மே மாதம் தங்கத்தின் மீதான சுங்க வரியை 15 சதவீதமாக உயர்த்தியதைத் தொடர்ந்து, சந்தையில் தங்கத்தின் விலை தொடர்ந்து ஏற்ற இறக்கங்களைச் சந்தித்து வருகிறது.
இன்றைய நிலவரப்படி, 22 காரட் தங்கம் கிராமுக்கு ரூ.150 உயர்ந்து ரூ.13,700-க்கும், 24 காரட் தங்கம் கிராமுக்கு ரூ.174 உயர்ந்து ரூ.14,956-க்கும் விற்பனையாகிறது. அதேபோல், ஒரு கிராம் வெள்ளி ரூ.5 உயர்ந்து ரூ.260-க்கும், ஒரு கிலோ கட்டி வெள்ளி ரூ.2,60,000-க்கும் விற்பனை செய்யப்படுகிறது.
AthibAn Tv