52-வது பிறந்தநாள்: வாழ்த்துத் தெரிவித்த ஜனாதிபதி, பிரதமர் மற்றும் அரசியல் தலைவர்களுக்கு முதலமைச்சர் விஜய் நெகிழ்ச்சி நன்றி!

52-வது பிறந்தநாள்: வாழ்த்துத் தெரிவித்த ஜனாதிபதி, பிரதமர் மற்றும் அரசியல் தலைவர்களுக்கு முதலமைச்சர் விஜய் நெகிழ்ச்சி நன்றி!

சென்னை:

தமிழக முதலமைச்சரும், தமிழக வெற்றிக் கழகத்தின் தலைவருமான ச.ஜோசப் விஜய்யின் 52-வது பிறந்தநாளையொட்டி, அவருக்கு ஜனாதிபதி, பிரதமர், மத்திய அமைச்சர்கள் மற்றும் நாட்டின் பல்வேறு மாநிலங்களைச் சேர்ந்த அரசியல் தலைவர்கள், முக்கியப் பிரமுகர்கள் நேரியிலும், தொலைபேசி மற்றும் சமூக வலைதளங்கள் வாயிலாகத் தங்களது வாழ்த்துகளைத் தெரிவித்துள்ளனர்.

தனது பிறந்தநாளுக்கு வாழ்த்துத் தெரிவித்த உலகெங்கிலும் உள்ள அத்தனை தலைவர்களுக்கும், முக்கியப் பிரமுகர்களுக்கும் முதலமைச்சர் ஜோசப் விஜய் தனது மனமார்ந்த நன்றியினை நெகிழ்ச்சியுடன் தெரிவித்துக் கொண்டுள்ளார். இது குறித்துத் தமிழக அரசு வெளியிட்டுள்ள அதிகாரப்பூர்வ அறிக்கை விவரம் வருமாறு:

தொலைபேசியில் வாழ்த்திய ஜனாதிபதி, பிரதமர் மற்றும் முக்கியத் தலைவர்கள்

முதலமைச்சர் ஜோசப் விஜய்யை, இந்தியப் பேரரசின் ஜனாதிபதி திரவுபதி முர்மு தொலைபேசி வாயிலாகத் தொடர்புகொண்டு தனது கனிவான பிறந்தநாள் வாழ்த்துகளைத் தெரிவித்தார்.

அதேபோல், பிரதமர் நரேந்திர மோடி மற்றும் தமிழ்நாடு கவர்னர் ராஜேந்திர விஸ்வநாத் அர்லேகர் ஆகியோரும் முதலமைச்சரைத் தொலைபேசியில் வாழ்த்தியதோடு, தங்களது எக்ஸ் (X) சமூக வலைதளப் பக்கத்திலும் வாழ்த்துச் செய்தியைப் பதிவிட்டிருந்தனர்.

மேலும், புதுச்சேரி முதலமைச்சர் என். ரங்கசாமி, தேமுதிக பொதுச்செயலாளரும் சட்டமன்ற உறுப்பினருமான பிரேமலதா விஜயகாந்த், இந்தியக் கம்யூனிஸ்ட் கட்சியின் தமிழ்நாடு மாநிலச் செயலாளர் மு. வீரபாண்டியன் ஆகியோரும் தொலைபேசி மூலம் முதலமைச்சருக்குத் தங்களது வாழ்த்துகளைப் பகிர்ந்து கொண்டனர்.

'எக்ஸ்' வலைதளத்தில் வாழ்த்துக் மழையைப் பொழிந்த விவிஐபிக்கள்

முதலமைச்சரின் பிறந்தநாளையொட்டி, நாட்டின் மிக முக்கியப் பிரமுகர்கள் மற்றும் மத்திய, மாநில அமைச்சர்கள் பலர் தங்களது எக்ஸ் (X) பக்கத்தின் வாயிலாக வாழ்த்துக்களைத் தெரிவித்துள்ளனர்:

மத்திய அரசு மற்றும் நாடாளுமன்றப் பிரதிநிதிகள்: துணை ஜனாதிபதி சி.பி. ராதாகிருஷ்ணன், மக்களவைத் தலைவர் ஓம் பிர்லா, மக்களவை எதிர்க்கட்சித் தலைவர் ராகுல் காந்தி, மத்திய அமைச்சர்கள் ராஜ்நாத் சிங், சி.ஆர். பாட்டீல், நிதின் கட்கரி, சிவராஜ் சிங் சௌகான், ஒன்றிய இணை அமைச்சர்கள் ராம்தாஸ் அத்வாலே, எல். முருகன், ஜெயந்த் சிங் மற்றும் ஜார்கண்ட் ஆளுநர் சந்தோஷ் குமார் கங்வார், அகில இந்திய காங்கிரஸ் தலைவர் மல்லிகார்ஜுன் கார்கே.

மாநில முதலமைச்சர்கள் மற்றும் அமைச்சர்கள்: சிக்கிம் முதலமைச்சர் பிரேம் சிங் தமாங், ஒடிசா துணை முதலமைச்சர் பிரவதி பரிதா, ஆந்திரா துணை முதலமைச்சர் பவன் கல்யாண், தெலங்கானா அமைச்சர்கள் பொங்குலெட்டி ஸ்ரீனிவாச ரெட்டி, பொன்னம் பிரபாகர்.

தமிழக அரசியல் தலைவர்கள்: திமுக தலைவர் மு.க.ஸ்டாலின், அதிமுக பொதுச்செயலாளர் எடப்பாடி கே.பழனிசாமி, காங்கிரஸ் மாநிலத் தலைவர் செல்வப்பெருந்தகை, காங்கிரஸ் பொதுச்செயலாளர் கே.சி.வேணுகோபால், மதிமுக பொதுச்செயலாளர் வைகோ, பாஜக மாநிலத் தலைவர் நயினார் நாகேந்திரன், விசிக தலைவர் தொல்.திருமாவளவன் எம்பி, பாமக தலைவர் மருத்துவர் அன்புமணி ராமதாஸ் எம்பி, நாம் தமிழர் கட்சியின் தலைமை ஒருங்கிணைப்பாளர் சீமான், மநீம தலைவர் கமல்ஹாசன் எம்பி.

நாடாளுமன்ற உறுப்பினர்கள் (MPs): கனிமொழி, செல்வி ஜோதிமணி, துரை வைகோ, டாக்டர் சையது நசீர் உசேன், மாணிக்கம் தாகூர், விஜய் வசந்த், கதிர் ஆனந்த், சசிகாந்த் செந்தில்.

முன்னாள் முதலமைச்சர்கள் & பிற தலைவர்கள்: ஆந்திர முன்னாள் முதலமைச்சர் ஒய்.எஸ்.ஜெகன் மோகன் ரெட்டி, கர்நாடக முன்னாள் முதலமைச்சர் சித்தராமைய்யா, புதுச்சேரி முன்னாள் முதலமைச்சர் வி. நாராயணசாமி, தமிழக சட்டமன்ற உறுப்பினர் எஸ்.பி. வேலுமணி, தமாகா தலைவர் ஜி.கே. வாசன், முன்னாள் ஆளுநர் டாக்டர் தமிழிசை சௌந்தரராஜன், ஆந்திர காங்கிரஸ் தலைவர் ஒய்.எஸ். ஷர்மிளா, முன்னாள் அமைச்சர் விஜயபாஸ்கர், பாஜக முன்னாள் எம்.எல்.ஏ வானதி சீனிவாசன், பாஜக மாநில துணைத் தலைவர் குஷ்பு சுந்தர், ஆந்திர முன்னாள் அமைச்சர் ரோஜா செல்வமணி.

கட்சித் தலைவர்கள் மற்றும் முக்கியப் பிரமுகர்கள்: ஐஜேகே நிறுவனர் டாக்டர் டி.ஆர். பாரிவேந்தர், தமமுக தலைவர் ஜான் பாண்டியன், புரட்சி பாரதம் தலைவர் ஜெகன்மூர்த்தி, 'We the Leaders' இயக்கத்தின் நிறுவனர் கே. அண்ணாமலை, புதிய தமிழகம் தலைவர் டாக்டர் கிருஷ்ணசாமி, அமமுக பொதுச்செயலாளர் டிடிவி. தினகரன், புதிய நீதிக் கட்சித் தலைவர் ஏ.சி. சண்முகம், வி.கே. சசிகலா, கவிப்பேரரசு வைரமுத்து, மற்றும் திரைத்துறையைச் சேர்ந்த பிரபலங்களான நடிகர் மம்முட்டி, நடிகை ராதிகா சரத்குமார் உள்ளிட்டோரும் மார்க்சிஸ்ட் கம்யூனிஸ்ட் கட்சியின் தமிழ்நாடு மாநிலச் செயலாளர் பெ. சண்முகம் உள்ளிட்ட பல முன்னணித் தலைவர்களும் எக்ஸ் வலைதளம் வாயிலாகத் தங்களது வாழ்த்துகளைப் பதிவு செய்துள்ளனர்.

தமக்கு வாழ்த்துத் தெரிவித்த தோழமைக் கட்சித் தலைவர்கள், எதிர்க்கட்சித் தலைவர்கள், அரசு அதிகாரிகள், திரை உலகினர் மற்றும் தவெக தொண்டர்கள், பொதுமக்கள் என அனைவருக்கும் முதலமைச்சர் விஜய் தனது மனமார்ந்த நன்றியைத் தெரிவித்துக் கொண்டுள்ளார்.