நாய் வகைகளிலேயே இங்கிலீஷ் புல்டாக் எனப்படும் நாய் வகை அதிக நோய் பாதிப்புகளுக்கு உள்ளாகும் வகை ஆகும். இந்த நாய் பிரசவம் முதலே சிரமப்பட்டே வெளியே வரும்.இதன் தலையின் அமைப்பு மிகவும் பெரியதாக இருப்பதால் பிரசவத்தின்போது ஃபோர்சப்ஸ் கருவி பயன்படுத்திதான் இதனை வெளியே எடுக்க வேண்டும். தவிர இந்த நாய்க்கு அதன் வாழ்நாள் முழுவதும் பல உடல்நலக் குறைபாடுகள் ஏற்பட வாய்ப்புள்ளது.
குறிப்பாக மூச்சுவிடுவதில் சிரமம், முடக்கு வாதம், வயிற்று உபாதைகள் ஏற்படும். இதன் மருத்துவ செலவுக்கு பயந்தே பலர் இந்த நாயை வாங்குவதைத் தவிர்ப்பர். இருந்தாலும் இந்த நாய்க்கு என்று தனி ரசிகர் பட்டாளம் உண்டு. இந்தியாவில் நாய் விற்பனையாளர்கள் பலர் ஒரு லட்சம் ரூபாய்வரை இந்த நாயை விற்கின்றனர். குள்ளமாக வோடஃபோன் விளம்பரத்தில் வரும் பக் நாய் போலக் காட்சியளிக்கும் புல்டாக், பொமேரியன் நாய் வகையைப் போல மிகவும் பாசமான குடும்பத்துக்கு ஏற்ற நாய். குழந்தைகளுடன் நன்றாக விளையாடும். அடுக்குமாடிக் குடியிருப்புகளிலும் இந்த நாயை வளர்க்கலாம். அதிகம் குறைக்காத இந்த நாய் எஜமானருக்கு விசுவாசமாக இருக்கும்.
இதில் அதிகமாக பார்வையாளர்களை கவர்வது இங்கிலீஷ் ஃபுல் டாக். இதன் தோல் மடிப்புகள் மற்றும் உருண்டை முகம் காண்போரைக் கவரும். இந்த கவர்ச்சிக்காகவே இந்தியாவில் செல்வந்தர்கள் பலர் இந்த நாயை தங்களது செல்லப்பிராணிகளாக வீட்டில் வளர்க்கின்றனர். தற்போது லியோ என்ற இங்கிலீஷ் புல்டாக் இணையத்தில் வைரலாகி வருகிறது. எப்படி என கேட்கிறீர்களா? ஐந்து ஆண்டுகளுக்கு முன்னர் டுவிட்டரில் @buitengebieden என்பவரது ஒரு டுவீட் வைரலானது. தற்போது அது மீண்டும் வைரலாகியுள்ளது. ஆர்த்தரைட்டிஸ் எனப்படும் கால் எலும்பு முடங்கும் நோய் தாக்கப்பட்ட ஒரு இங்கிலீஷ் புல்டாகுக்கு அதன் உரிமையாளர் படிகள் ஏறி இறங்க ஓர் சிறப்பு இயந்திரத்தை உருவாக்கியுள்ளார்.
இதனைக்கொண்டு அந்த நாய் எளிதில் மாடிப்படி ஏறி இறங்குகிறது. டுவிட்டரில் பகிரப்பட்ட இந்த வீடியோ சில மணி நேரங்களிலேயே 6.6 லட்சம் பார்வையாளர்களைப் பெற்றது. மிகவும் கொடுத்து வைத்த நாய் என சமூக வலைதளங்களில் இதனை நெட்டிசன்கள் பாராட்டி வருகின்றனர். இதன் உரிமையாளரின் இரக்க குணத்தையும் அவர்கள் பாராட்டியுள்ளனர். சிறந்த நாய் வளர்ப்பாளர் என்ற விருதை அவருக்கு அளிக்க வேண்டுமென பார்வையாளர்கள் தெரிவித்துள்ளனர்.
லியோ புல்டாக் படிகள் ஏறி இறங்கி வர உதவும் இயந்திரம் லண்டன் சிட்டி பஸ் போல வடிவமைக்கப்பட்டுள்ளது. இது பார்வையாளர்களைக் கவர்ந்துள்ளது. பொதுவாக புல்டாக் உரிமையாளர்கள் ஆசைக்காக அதனை அதிக விலை கொடுத்து வாங்கி பின்னர் தொடர்ந்து ஏற்படும் நோய் தாக்கம் மற்றும் மருத்துவ செலவுகள் காரணமாக அவற்றை குறைந்த விலைக்கு வேறு யாருக்காவது விற்க முயன்று வருவர். இவ்வாறு செய்யாமல் லியோவின் உரிமையாளர் தனது கால் ஊனமான நாயை அரவணைத்து அதற்காக இந்த இயந்திரத்தை உருவாக்கி அதனை நடக்க வைத்துள்ளது பாராட்டைப் பெற்றுள்ளது.
AthibAn Tv