அதானி இ-காமர்ஸ் சந்தையில் அடியெடுத்து வைக்கிறது

 அதானி குழுமத்தின் தலைவர் கௌதம் அதானி, PAY TM சேவைகளை வழங்கும் ONE 97 COMMUNICATIONS-ஐ வாங்கத் திட்டமிட்டுள்ளதாக வெளியான செய்திகள் பரபரப்பை ஏற்படுத்தியுள்ளன.

ONE 97 கம்யூனிகேஷன்ஸ் மற்றும் அதானி குழுமம் ஒரே நேரத்தில் செய்தி உண்மையல்ல என்று மறுத்துள்ளன. அதைப் பற்றிய செய்தி தொகுப்பு.

இந்திய இ-காமர்ஸ் சந்தையில் முகேஷ் அம்பானியின் ரிலையன்ஸ் நிறுவனம் முன்னணியில் உள்ளது. இ-காமர்ஸ் சந்தை, டிஜிட்டல் வர்த்தகத்தில் ஆன்லைன் ஷாப்பிங் வசதியை வழங்க அதானி குழுமம் முடிவு செய்துள்ளதாக தகவல்கள் தெரிவிக்கின்றன.

அதானி குழுமம் விரைவில் இ-காமர்ஸ் தளத்தை தொடங்கும் என எதிர்பார்க்கப்படுகிறது

இதற்காக ஓபன் நெட்வொர்க் எனப்படும் ஓஎன்டிசி நிறுவனத்துடன் அதானி குழுமம் பேச்சுவார்த்தை நடத்தி வருகிறது.

ONDC என்பது விற்பனையாளர்களுக்கும் வாடிக்கையாளர்களுக்கும் இடையே ஒரு பாலமாக இந்திய அரசாங்கத்தால் நடத்தப்படும் ஒரு e-காமர்ஸ் தளமாகும்.

ONDC இன் ஒப்புதலுக்கு உட்பட்டு, அதானி குழுமம் அதன் பயன்பாட்டின் மூலம் பல்வேறு வணிகச் சேவைகளை வழங்க முடியும்.

அதானி குழுமமும் இதற்காக UPI சேவைக்கு விண்ணப்பித்துள்ளதாக கூறப்படுகிறது. ஏற்கனவே சந்தையில் இருக்கும் GOOGLE PAY, PAY TM, PHONE PE போன்ற டிஜிட்டல் சேவை வழங்கும் நிறுவனங்களுக்கு போட்டியாக அதானி குழுமம் தயாராக இருப்பதாக தெரிகிறது.

கிரெடிட் கார்டு சேவையையும் வழங்க அந்நிறுவனம் முடிவு செய்துள்ளதாகவும், சில வங்கிகளுடன் பேச்சுவார்த்தையை தொடங்கியுள்ளதாகவும் தகவல் வெளியாகியுள்ளது.

இந்த திட்டத்திற்காக ரூ.16,600 கோடி திரட்ட அதானி குழுமத்தின் இயக்குநர்கள் குழு ஒப்புதல் அளித்துள்ளதாகவும், தகுதி வாய்ந்த நிறுவன முதலீட்டாளர்கள் மூலம் நிதி திரட்டப்பட உள்ளதாகவும் தகவல் வெளியாகியுள்ளது.

கடந்த செவ்வாய்கிழமை, Paytm CEO விஜய் சர்மா அதானியை அகமதாபாத்தில் சந்தித்து மேற்கு மற்றும் மத்திய ஆசியாவில் இருந்து முதலீட்டு நிதியைப் பெறுவது குறித்து பேச்சுவார்த்தை நடத்தியதாக தகவல்கள் வெளியாகின.

அதானி நிறுவனம் PAY TM நிறுவனத்தின் பங்குகளை வாங்கப் போகிறது என்ற செய்தியை அடுத்து வர்த்தக சந்தையில் பரபரப்பு ஏற்பட்டது.

ஆனால், இந்த செய்தி உண்மை இல்லை என PAY TM மற்றும் அதானி நிறுவனங்கள் உடனடியாக மறுத்துள்ளன. மேலும், அதானிக்கு PAY TM பங்குகளை விற்கவில்லை என்று விஜய் சேகர் சர்மா தெளிவுபடுத்தியதால் Paytm பங்குகள் 5 சதவீதம் உயர்ந்தன, அதே நேரத்தில் அதானி குழுமத்தின் பங்குகள் சரிந்தன.

ரிசர்வ் வங்கியின் தடையால் Paytm-ன் வருவாய் வெகுவாகக் குறைந்துள்ளது என்பது முன்னதாகவே வெளியானது. மார்ச் காலாண்டில் மட்டும் PAY TM ரூ.549 கோடி நஷ்டத்தைச் சந்தித்துள்ளது.

ஆன்லைன் வர்த்தகம், இ-காமர்ஸ், டிஜிட்டல் பிசினஸ், டிஜிட்டல் பிசினஸ் ஆப்ஸ் ஆகியவை தொழில்நுட்பத்தில் சந்தைப் போட்டியால் மக்களுக்கு லாபகரமாக இருக்கும் என்று கூறப்படுகிறது.